Berastegiarrek badaramatzate, honezkero, lau egun jai giroan, hilaren 7an suziria piztu zutenez geroztik, baina, aje gorputzaldiarekin egonagatik, gaur egun handia izaten ari da herrian, Salontzo egunaren bezperan: kuadrilla eguna.
Goizean hasi da koloreen festa, kuadrillek patata tortilla txapelketa izan baitute plazan, eta asko itzaletan nola mantendu pentsatzen aritu dira, tortilla prestatzen baino gehiago. Eguerdi aldera toka eta txakolina izan dituzte, eta orduan hasi da Jainekin txaranga tolosarra ere, jai giroari jai doinuak jarriz.
Eta, behin bazkaltzeko eskola atarian eserita, berastegiarrak ez dira handik mugitu ordu luzez, jolasak amaitu bitarte. Beste urtebetez, ginkana originalak lagunduta, belaunaldi trukearen eta algaren lekuko izan da kuadrilla eguna.
Berastegiko salontzoak ospatzen jarraitzeko, igandera bitarte hitzordu zerrenda dute, oraindik, aurretik. Ikusi hemen egitaraua.
