Alebin nesken taldea eta infantil mutilena Gipuzkoako txapeldun geratu dira areto futbolean eta Berastegiko festa batzordeak esker ona adiera nahi izan die, aurtengo jaietako pregoia botatzeko ohorea eskainiz.
Bi taldeetako kideek euren kirol ibilbidearen berri eman dute udaletxeko balkoitik eta entrenatzaile izan dituztenekiko esker hitzak izan dituzte. Ondoren, suziria piztu eta txistulari eta trikitilarien musikarekin aurtengo San Lorentzo jaiei hasiera eman zaie. Buruhandiak ere ibili dira plazan.
Frontoian, binakako pilota eta pala txapelketako finalak jokatu dira eguerdian. Hala ere, eguna bukatu aurretik eta igandera bitartean, zer ospatua izango da Berastegiko festetan.
