Menuak ere erabakita daude dagoeneko. Helduek honakoa izango dute: Urdaiazpikoa eta patea, piperrak arrainez beteak, txanpiñoiak urdaiazpikoarekin, bakailaoa erromatar erara, saihets hezurrak erreta, goxua txikia eta sorbetea. Umeek, berriz makarroiak, oilasko bularra patatekin eta petit suisse-ak izango dituzte. Txartelak Urepele elkartean, Ategin, Basurde elkartean eta udaletxean erosteko aukera izango da.
Udaletik azaldu dutenez, aurten ere mahaiak taldeka erreserbatzeko aukera egongo da uztailaren 31ra bitarte. Horretarako, udal bulegoetara jo edo kultura@berastegi.eus helbidera idatzi beharko da. Bestalde, menu zeliakoa edo beganoa eskatzeko aukera ere egongo da.
KUADRILLEN EGUNA
Auten San Lorentzo eguna larunbata izango denez, kuadrilla eguna ostiralera aurreratzea erabaki du festa batzordeak. Urtero bezala, bazkarirako taldeka izena eman beharko da, eta antolakuntzak ogia, kafea eta edaria jarriko ditu.