Baserritarren eguna ospatzeko festa antolatu dute San Isidro egunez, Berastegin. 12:45ean Prozesioa egingo dute udaletxetik abiatuta San Martin elizara, txistularien laguntzaz, eta jarraian meza ospatuko da. 14:00ak aldera, bazkaltzera eseriko dira udaletxeko erabilera anitzeko gelan eta bazkalostean dantzatzeko aukera izango da, trikitilariak arituko baitira giroa alaitzen.
Bazkarirako izen emateko epea maiatzaren 12ra bitarte egongo da zabalik eta Gaztainondo elkartean apunta daiteke edota 943 68 3264 deituta. Bazkariko txartelak 25 euro balio du.