Berastegiko Oliva Mariezkurrenak 103 urte bete ditu

Urtebetetzea ospatzeko, Amaia Azkue Berastegiko alkateak bisita egin dio udal ordezkarien izenean, eta lore sorta bat oparitu diote.

103 urte ez dira egunero ospatzen, eta horretarako aukera izan du gaur Oliva Mariezkurrenak. Udal ordezkarien izenean, Amaia Azkue Berastegiko alkatearen bisita izan du eta lore sorta bat jaso du opari.

 

Igoako (Nafarroa) Salbadorren bordan jaioa, Berastegin bizi da 1956tik. Aidanen aldizkarian egindako elkarrizketan dioen bezala, hamabi anai-arrebako familian, zaharrena izan zen bera. Hemeretzi urterekin ezkondu zen eta Arraratsen (Nafarroa) jarri ziren bizitzen. 1956an, etorkizun hobe baten bila, Berastegira Gorostizu baserrira joan ziren eta 1998tik Lurganen bizi da.

 

Gaur egun, hamabi seme-alaba, 23 biloba eta 28 birloba ditu.

 

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!