Harituz Bertsozaleen Elkarguneak antolatuta, Berastegiko gazteen laguntzarekin, Santa Ageda bezpera aurreratua egiten ari dira.
Ohitura zaharra berpizteko asmoz antolatu du Harituzek Berastegin, eta eguraldiari aurre egitea tokatu zaie ausartu direnak. Elurra, batez ere kazkabarra, eta haizea izan dute goizean eskean atera direnek. Oihana Iguaran, Unai Mendizabal eta Iñigo Gorostarzu Etxorde ari dira koplari. Goizean Elizalde eta Izotzalde auzoetan ibili eta gero, bazkalondoan Eguzkialde auzoan ariko dira.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?