Azokaren helburua, «soberan edo erabiltzen ez diren gauzei etekina atera eta erabilpen berri bat ematea da», azaldu dute antolatzaileek.
Bihar arratsaldera arte, materialak jasotzeko aukera zabalik izango da. Gaur eta bihar eraman behar da materiala aparkaleku azpiko lokalera, 16:00etatik 18:00etara. Arropa, jostailuak, liburuak, altzariak eta halakoak eramateko deia zabaldu dute, eta «egoera onean eta txukun daudenak» jasoko dituzte. Behin bilketa eginda, prezio sinboliko bat jarriko zaie materialei, eta abenduaren 14an, ostiralean, irekiko dituzte azokako ateak 16:15etik 19:00etara. Larunbatean eta igandean goizez zabalduko dute, 11:30etik 13:00etara.