Ez da gauza izugarririk behar ondo pasatzeko. Ederki dakite hori berastegiarrek. Arratsaldean kuadrillen arteko jokoak egin zituzten eta Intxante taldeak irabazi zuen.
Makila bat, arrautzak, sagarrak, igerileku txiki bat eta soka zati bat. Nahikoak izan zituzten algaraka arratsalde eder bat pasatzeko. Ia 200 lagunek bazkaldu zuten eskola atarian, eta ondoren, 14 taldek hartu zuten parte kuadrillen arteko jokoetan, inoizko kopuru handiena. Lehia umoretik hartuta aritu ziren jokoetan, eta ondoren festarekin jarraitzeko sagardo dastaketa izan zuten, baita toka txapelketa ere.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!