1, 2, 3, 4... eta horrela 17ra arte. Hori izan baita amaierako tortilla kopurua. Aurtengo kuadrilla eguneko lehiaketa inoizko jendetsuena eta parte hartzaileena izan dela adierazi dute, eta antolatzaileak oso gustura azaldu dira emaitzekin. Azkenean, eta epaimahaiak hala erabakita, Artixtak kuadrillarena izan da errezeta onena, Intxantek eta Saltserak kuadrillen aurretik sailkatuz.
Goiza, ordea ez dute soilik sukalde kontuekin osatu, eta herria alaituz eta festa giroari erritmoa jarriz aritu dira Tolosako Jainekin txarangako kideak. Luis Eraso ere motozerrarekin lanean aritu da, egur zatiak itxuraldatzen. Behin goizekoak igarota, eskola atarira hurbildu dira, bertan bazkaltzeko. Arratsaldean, jolaserako eta zintzurra sagardoz bustitzeko tartea hartu dute kuadrillek. Gaurko eguna luze joango zaie, baina biharko ere komenigarria izango zaie indarrak gordetzea.
Argazki galeria hau babesten du:
