Berastegiko plaza mukuru bete da herri kirol erakustaldia ikusteko. Iker Vicenteren azken ekinaldiak sortu du txalo zaparradarik handiena.
Iker Vicente eta Joseba Otaegi aritu dira nor baino nor gehiago aizkoran. Otsagabiakoak ziztu bizian ebaki du azken enborra, eta txalo artean agurtu dute. Baita zizurkildarra ere, egindako lanen ostean.
Harri-jasotze lanetan, beriz, Aimar Irigoien eta Mikel Lopetegi izan dira. Pisu eta forma ezberdinetako harriak altxa ostean, Berastegiko harri bereziarekin hainbat altxaldi burutu dituzte.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?