Gipuzkoako Foru Aldundiaren arabera, lanak astelehenean, uztailaren 2an, hasiko dira. Euste-horma bat eraikiko dute, eta tunelaren osagarri guztien kontrol sistema berrikusiko dituzte.
Hortaz, bi noranzkoetan itxiko dute trafikoa, ekainaren 30eko eta uztailaren 1eko gauetan. Andoainerako bidean, Berastegiko lotunetik itxiko da errepidea, eta Iruñeko noranzkoan, Sorabillako lotunetik, Andoainen.
Ekainaren 29an 22:00etatik ekainaren 30eko 6:00etara itxiko dute, baita ekainaren 30eko 22:00etatik uztailaren 1eko 14:00etara. Lanek irauten duten bitartean, Tolosatik Berastegira doan GI-2130 errepidea erabiltzeko deia egin du Aldundiak. Ibilbide luzeko bidaietan, aldiz, A-1 errepidek Altsasuraino joan eta Sakanako A-10 errepidea erabiltzea gomendatu dute.