Goizean Pintxo Lehiaketa izan dute eta irabazlea Irati Ugartemendia, Garbiñe Ezkerra, Josune Ezkerra eta Ixiar Atxukarrok osatutako taldea izan da, bakailaoarekin egindako pintxo batekin. Zazpi taldek hartu dute parte eta goxoak zeudela aitortu dute antolatzaileek, azkar batean jan baitira guztiak.
Bazkarian 100 pertsona inguru elkartu dira plazan, eta ondoren jolasak izan dituzte. Erromeriarekin bukatuko dute eguna. Urepele elkarteko kultur taldeak antolatzen du Euskal Jaia, eta aurrera begira ere jaia ospatzen jarraitzeko asmoa dute, herritarren erantzuna ikusita.