5. aldiz antolatu du lehiaketa Berastegiko udaleko kultura batzordeak. Ekainaren 29a baino lehen bidali beharko dira lanak Berastegiko Udaletxean. Gutun-azal batean aurkeztu beharko dira lanak, eta egilearen datuak beste gutun-azal batean. Hauek dira diseinuek bete beharko dituzten baldintzak:
- Diseinu librea izango da (digitala, marrazkia, collage-a...)
- Azalaren neurria: A5 (A4 orriaren erdia), horizontalki jarria
- Azaldu beharreko testua: Berastegiko Salontzoak 2018. Abuztuak 8, 9, 10, 11 eta 12
Herri afarian ezagutaraziko dira irabazlearen izen-abizenak, eta saria emango diote.
Informazio gehiagorako kultura@berastegi.eus helbidera idatzi edo 688 681 952 telefonora deitu beharko da.