Ikerketari orain dela hiru hilabete ekin zioten, Gipuzkoako Lurralde Historikoan 2017ko bigarren seihilekoan eta 2018ko lehenengo hilabeteetan etxebizitzetako lapurretak asko ugaldu zirela hauteman ondoren. Ertzaintzako Ikerketa Kriminaleko Gipuzkoako Lurralde Zerbitzuko (SICTG) agenteak egin ziren TROU operatiboa izeneko ikerketaren kargu lurralde historikoko hainbat ertzain-etxerekin lankidetzan, eta lapurrei Donostian, Hondarribian, Berastegin, Hernanin, Urnietan, Oiartzunen eta Irunen egindako 24 lapurreta leporatu zizkieten.
Lapurren modus operandiaren ezaugarriak oso espezifikoak ziren. Lapurreta gehienak gauez egin zituzten, kasurik gehienetan etxeko bizilagunak barruan lo zeudela eta etxean leiho batetik sartuta. Leihoen markoetan aurretik hainbat zulo egiten zituzten itxiera-sistemara iritsi eta erraz desaktibatu ahal izateko.