Berastegiko Muñagorri Eskolako ikasleen emanaldia izan da arratsaldean, eta ondoren, euskal dantza ikastaroko ia 50 ikaslek ikuskizuna eman dute Ipuliño frontoian.
Eskolako haurrek euskal inauterietako pertsonaien mozorroak landu dituzte aurten. Frontoian emanaldia eman eta gero, txokolate beroa dastatzeko aukera izan dute guraso elkarteari esker.
Dantzarako tartea, ordea, ez da hor amaitu. Segidan, euskal dantzak ikasten aritzen diren haurren txanda izan baita. Herriko trikitilari, panderojole eta txistulari gazteek lagunduta dantzan ibili dira.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
