Urepele elkarteak antolatuta, denera, ehun lasterkari inguruk hartu dute parte aurtengo krosean. Jada, tradizioa bihurtu da abenduaren 31ko lasterketa, eta aurten ere, jendeak ez du huts egin nahi izan. Guztira, hiru lasterketa izan dira. Lehenean, adinez gazteenak aritu dira lasterka, eta hauek amaitu bezain laster, gaztetxoen txanda izan da. Arratsaldeko 18:30eak aldera abiatu dira helduak, Berastegiko kale eta auzoetan barrena, lehen postuaren bila.
Haurren kasuan, plazaren inguruan buelta txiki bat eman behar izan dute; bigarren lasterketakoek, pixka bat luzeagoa. Helduek, bestalde, 5 kilometrotako ibilbidea osatu dute, berriro, plazan ezarritako helmugara iritsi arte.