Urtero biltzen diren bezala, gaur ere, goizeko 09:00etan, herriko plazan egin dute topo ausartenek; bertan, guztiek batera kantu bat abestu dute. Ondoren, haur txikiak dituzten gurasoak, herriko kaleetan barrena aritu dira, trikitilarien laguntzaz. Gaztetxoak eta hauen gurasoak, berriz, auzo ezberdinetako baserriak gabonetako doinuekin alaitu dituzte, txistulariekin batera.
Metro batzuk gora eta behera ibili ostean, hamaiketakoaz gozatzeko aukera izan dute, lanarekin jarraitu aurretik. Eguraldia lagun izan dute, eta goizeko orduak pasa ahala, ahotsa goxatzen joan den bezala, eguzkiak ere bete du bere eginkizuna.