Fitosanitarioen inguruko ikastaroa antolatu nahi dute

Tolosaldeko Ataria 2017ko urr. 10a, 16:46

Berastegiko Udalak, Fraisoro eskolakoekin elkarlanean, fitosanitarioen inguruko ikastaroa antolatu nahi du herrian bertan. Gutxienez 20 pertsonek eman behar dute izena ikastaroa antolatu ahal izateko. Ikastaroa azaroaren 6an hasi eta 15ean bukatuko litzateke eta profesionalei zuzenduta dago.

Fitosanitarioen inguruko oinarrizko ikastaroa da antolatu nahi dutena eta Hazi Fundazioak eskainiko luke. Parte hartzeko 36 euro ordaindu behar dira eta izena Fraisoron bertan eman behar da , 943 692166 telefono zenbakira deituz edo fpefraisoro@hazi.eus helbidera idatziz.

Ikastaroa profesionalei zuzenduta dago eta parte hartu ahal izateko nekazaritza txartela eduki behar da edota izena eman nahi duenak lanean produktu fitosanitarioak erabiltzen dituela egiaztatu behar du. Gutxienez eskolen %80a joan behar da eta ikastaroaren bukaeran azterketa bat egin beharko da.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!