Ion Azpirozek laugarren postua eskuratu du Mont Blanc-eko Ultra Trail gogorrenean

Tolosaldeko Ataria 2017ko abu. 31a, 10:03
Azpiroz, Chamoix-en helmugaratzen.

119 kilometroko lasterketa 14 ordu eta 42 minutuan osatu du, liderrarengandik 9 minutura helmugaratuz.

1.817 parte hartzailek bat egin zuten, Courmayeur-en (Italia), Mont Blanc-eko Ultra Trail gogorrenari aurre egiteko: 119 kilometro, eta 7.200 metroko igoera. Korrikalari frantziarrek osatu zuten podiuma, baina Ion Azpiroz berastegiarra gertu iritsi zen, laugarren postua eskuratuz. 14 ordu eta 42 minutu behar izan zituen lasterketa osatzeko.

Azpiroz hirugarren posturako lehian ibili zen kontrol-gune askotan, Silvain Camus frantziarrarekin, liderragandik 10 minutura. Michel Lanne liderrak, ordea, tartea handitzea lortu zuen 96. kilometroan. Horrela, 14 ordu eta 33 minutuko kronoarekin biribildu zuen Ultra Traila, txapela eskuratuz.

Atzetik eta batera, Antoine Guillon eta Silvain Camus helmugaratu ziren, 14 ordu eta 36 minutuko denborarekin. Beste sei minutu behar izan zituen Azpiroz berastegiarrak, laugarren sailkatzeko; 8 km/h batezbesteko abiaduran osatu zuen proba.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!