Hotzari aurre egin, eta berastegiarrek ez diote urteroko ohiturari muzin egin. 10:00etan, San Anton baselizan elkartu dira, eta meza izan dute. Ondoren, animaliak bedeinkatu dituzte: "Hiru txakur eta txerrikume bat ekarri dituzte aurten" , esan dute bertaratutakoak.
Aldarearen inguruan bildu, eta hamaiketako ederra egin dute ondoren: ez da jatekorik eta edatekorik falta izan gorputza goxatzeko. Elkarrekin kontutan aritu dira ondoren: "Ostiralean San Sebastian ermitan egongo gara", esanez agurtu dira.