Mende batek askorako ematen du, eta iazko abuztuan Aldin elkarteak argitaratzen duen Aidanen aldizkarian egin zioten elkarrizketan Mariezkurrenaren eta bere familiaren historia jasotzen du. Igoako Salbadorren Bordan jaio zen Mariezkurrena, hamabi senideen artean zaharrena. Erbitira joan behar izaten zuten eskolara, bera berrogei egunez bakarrik joan zen.
Frantzisko Zubillaga arrarastarrarekin ezkondu zen 19 urte zituela, eta Arraratseko Etxeberri etxean jarri zen bizitzen. Gerra zibila hasi zenean bi ume zituzten eta Arraratsen bizi ziren orduan.
Hamabi seme-alaba izan zituzten Mariezkurrenak eta Zubillagak, eta 1956an eurek etorkizuna izan zezaten Berastegira bizitzera joatea erabaki zuten; maizter bila zebilen baserri batera, Gorostizura. Ganadua oinez ekarri zuten Berastegira. 1972an, ordea, Osingainera igaro zen familia. 1998etik bere alabarekin Lurgainen bizi da.
Behean, Amaia Azkue alkatea eta Mirari Saizar zinegotzia, Oliva Mariezkurrenarekin batera:
