Berastegin gazte festak ospatzen ari dira eta gaur arratsaldean, herriko antzerki taldean ibiltzen diren Mikel Sarmientok, Xabi Barriolak eta Mireia Garaiburuk bakarrizketa saioak eskaini dituzte eskolako gimnasioan.
Herriko zazpi lagun ibiltzen dira Berastegiko antzerki taldean eta horietako hiruk eskaini dituzte bakarrizketak gaurko saioan. Irati Saizar taldeko kideak egin ditu aurkezpen lanak.
Bazkalostean jokatu dituzte mus txapelketako finalak eta Senzala Euskadi taldearen kapoeira erakustaldiaren ostean, Skabidean eta Guri5 taldeen kontzertuak izango dira gaur Berastegin, aurtengo gazte festak agurtzeko.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?