Bigarren eskuko gauzekin osatutako azoka kokatua dute asteburu honetan Berastegiko aparkaleku azpiko lokalean, frontoiaren ondoan. Honela, bide batez, soberan edo erabiltzen ez diren gauzei etekina atera eta erabilpen berri bat ematea ere helburu dute. Azokan aurki daitezke: arropa, jostailuak, liburuak, altzariak, etab. Eta guztiek prezio sinboliko bat dute, helburu nagusia Wukro herriari laguntzea baita.
Esan bezala, azoka atzo arratsaldean zabaldu zuten, eta zabaldu orduko jende mordoa gerturatu zen. Hala ere, oraindik bertara joateko aukerarik izan ez duenak gaur edo bihar goizean badu aukera, 11:30etik 13:00etara.