San Lorentzo jaien azken egunera heldu dira berastegiarrak. Gaurkoa, umeen eguna izan dute eta plazara atera den orok izan du zertan jolastu eta zer ikusia.
Umez gainezka izan da goizean frontoia puzgarri eta jolasekin. Arratsaldean berriz, Poxpolo eta Konpainia pailazoen ikuskizunaz gozatzeko aukera izan dute. Trikiti emanaldi eta bizikleta probaren ondoren, festei behar bezalako amaiera emateko, dantzerki ikuskizuna eskainiko dute herriko gazteek, dantza eta antzerkia uztartuz sortu duten emanaldia.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!