Goizean, mountain bike igoera izan da egunari hasiera eman dion ekitaldia. Haurretan, Egoitz Agirrezabala izan da garaile eta helduetan Iker Saizarrek irabazi ditu urdaiazpiko eta txuletak. Meza nagusiaren ondoren, pilota partidek hartu dute lekua frontoian. Arratsaldean, bertsolariak izango dira entzungai herriko plazan eta jarraian herriko dantzariek emanaldia eskainiko dute. San Lorentzo egunari amaiera emateko, Alurr dantza taldearen saioa egongo da eta Ingoaldeu musika taldearekin nahiko dantza egiteko aukera izango da.
Irudietan, gaur goizeko festaz gain, atzo arratsaldean Aiko taldeak herritarren laguntzaz eskainitako dantzaldia.