Azken hamar urteotan ospatu dituzte Berastegin inauteriak asteburu bat lehenago. Mirari Saizar zinegotziak azaldu duenez, «berastegiarroi ere gustatzen zaigu Tolosako inauterietara inguratzea, eta asteburu bat lehenago antolatzearen asmoa da bi festak ez egun berean izatea, hartara biez gozatzeko aukera izateko».
Urepele elkarteak egindako antolaketa lana nabarmendu du Saizarrek: «Larunbateko egitaraua aurten bete-betea dator eta neurri handi batean Urepele elkarteak egindako proposamenei esker da. Larunbatean egingo den kalejira ez da egin azken urteotako inauterietan, eta aurten horrela antolatu du Urepele elkarteak, eta udala oso pozik herriko elkarteetatik horrelako proposamenak etortzen direnean».
Egitaraua
Otsailak 6, ostirala
14:45. Herriko txikienen kalejira herrian zehar.
16:00. Txokolate jatea.
17:00. Haurren dantza emanaldia eskolako atarian. Jarraian, herriko trikitilarien trikiti emanaldia izango da.
19:00. Pintxo potea.
Otsailak 7, larunbata
10:30. Denak mozorrotuta kalejira alaia herrian zehar plazatik abiatuta.
14:00. Herri bazkaria udaletxeko erabilera anitzeko gelan. Bazkal ondoren, eztarriak berotzeko karaokea.
19:00. Joko triki poteoa.
21:00. Urepele Biltokian luntxa.
23:00. DJ Txoko Urepele Biltokian.