Urtero bezala egun berezia ospatuko dute bihar Berastegin. San Anton eguna dute, eta izen bereko ermitan egingo dituzte, ohi bezala, ospakizunak. Berezitasuna, ekitaldi horien protagonistetan dago. Izan ere, herritarrak euren animaliekin bertaratuko dira, hauek bedeinkatuak izan daitezen.
10:00etan izango da meza, eta hau bukatzean bedeinkatuko ditu apaizak animaliak. Aurtengoan, gainera, larunbata egokitu denez herritar gehienek izango dute euren animaliak ermitara eramateko aukera.
Mota guztietako animaliak bertaratzen dira ermitara, baina batez ere etxeko maskotak dira eramaten dituztenak. Guzti honen badu zergatia. Animalien patroia da San Anton, eta animaliek urte ona izan dezaten bedeinkatzen dira egun horretan.
Animaliak bedeinkatzeaz gain, hamaiketakoa egiteko aukera izango dute gerturatzen direnek, elizkizuna amaitzean prest egongo baita elizaren atarian jatekoa eta edatekoa.
10:00etan izango da meza ermitan, eta ondoren animaliak bedeinkatuko dituzte.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!