Berastegin gaztain bazkaria egingo dute bihar, larunbata. Gainera, azaroan herritarren artean bildutako gaztainak jateko aukera izango dute, eta guzti hori bertsoz lagunduta izango dute, gainera.
Urtero ospatzen dute gaztain jatea Berastegin. Aurten larunbatean, 12:00etan izango dute lehen hitzordua. Bertso triki poteoa egingo dute herrian zehar Julio Soto eta Iker Zubeldia bertsolariekin, eta herriko trikitilariak ere bertan izango dira giroa alaitzen.
14:00etan gaztain bazkari herrikoia egingo dute udaletxeko erabilera anitzeko gelan. Bazkal ondoren berriro ere bertsoen tartea izango da, Julio Soto eta Iker Zubeldiaren eskutik.
Hotzari aurre egiteko aitzakia bikaina dute, hortaz, asteburuan berastegiarrek. Gaztain beroak dastatuz goxatzeko aukera bikaina. Horregatik antolatzaileek haur, gazte eta helduak animatu nahi izan dituzten egun zoragarri horretan parte hartzera.
Elkarrekin bildutako gaztainak jango dituzte Berastegin
Gaztainak jateko bazkariaz gain, Julio Soto eta Iker Zubeldia bertsolariak ere izango dira bihar Berastegin
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!