Kotxerik Gabeko Naizoarteko Eguna astelehenean ospatu bazen ere, eguraldi txarragatik ezin izan zuten ospatu Berastegin, eta hortaz, gaur egin dute bertan Kotxerik Gabeko Eguna. Agenda21 proiektuan, aurten iazko lanari ekingo diote Muñagorri eskolan, eta energiaren gaiaren barruan mugikortasuna landuko dute.
Gaurko eguna ospatzeko eskolara bizikletaz (kaskoarekin) joan dira berastegiarrak. Helburua, Agenda21eko aurtengo gaiari hasiera emateaz gain, udalak abian duen irisgarritasun planean parte hartzea izan dute: haurrek etxetik eskolara joateko bidean dituzten oztopoak identifikatzeko eskatuko diete ikasle eta gurasoei, eta ondoren, udala oztopo horiei konponbidea bilatzen saiatuko da.
Gaur eskolara bizikletaz joateaz gain, bizikletetan herri buelta bat eman dute eta hainbat jolas ere egin dituzte eskolan.
