Belauntzako Udalak hirugarrenez antolatu du argazki lehiaketa, eta gazteek –14 urtetik beherakoak– zein helduek –14 urtetik gorakoek– parte hartu ahalko dute. Aurtengo gaia eskulanak dira, eta horien argazkiak Belauntzako mugetan atera beharko dira. Argazkiak horizontalak eta kalitate onekoak behar dute izan.
Parte hartzeko interesa dutenek asteazkena arte izango dute horretarako aukera, eta parte hartzaile bakoitzak gehienez bi argazki bidali ahalko ditu, udala@belauntza.eus helbide elektronikora. Argazkiaren titulua eta egilearen izen-abizenak zehaztu beharko dira emailean. Argazkiak datorren urteko egutegian erabiliko dira, baina irabazleak ere izango dira tartean. Kategoria bakoitzean sari bana banatuko da, eta sari banaketa ekitaldia abenduaren 24an izango da, Gabon Eskearen ondoren.