Azoka eguna izan dute Belauntzan, eta eguraldi txarra egin arren, jendetza izan da bertan. Elizalde pilotalekuan jarri dituzte postuak, eta baserriko produktuak nahiz artisau lan desberdinak ikusi, dastatu eta erosteko aukera izan da. Azokarekin batera, ohi moduan, herriko abereen erakustaldia egitea aurreikusten zuten udaletxe ondoko plazan, baina eguraldi txarra dela eta, bertan behera geratu da. Pilotalekuan, gainera, gaztetxoentzako zirku tailerra egin dute.
Eguerdian, herri bazkaria egin dute Ostatuan, eta 16:30etatik aurrera Iñigo Perurena abeslariaren musika emanaldia izango da.