Belauntzako Martintxo elkartean egingo duten bertso bazkariarekin abiatuko dute larunbateko egitaraua, 14:00etan hasita. Iñigo Gorostarzu eta Xabat Illarregi bertsolariak izango dira bertan, Izer eta Alabierrek alaituta. Dagoeneko zabalik da bertan izena emateko aukera eta asteazkena arte egin ahalko da udaletxean, 30 euroren truke.
Arratsaldean zehar plazako txoznan poteoa egingo dute, 17:30etatik aurrera, Legorretako batukadarekin. Iluntzean, parrillada egingo dute herriko gazteek lau xoxen truke, eta jarraian, Izer eta Alabier dantza saioa izango da.