Kantu eskean ibiliko dira, San Ageda egunez

Ataria 2025ko urt. 29a, 10:37

Santa Ageda eguna ospatuko dute igandean, Belauntzan; kantu eskean ibili ostean, parte hartzaileek mokadua izango dute herriko tabernan.

Otsailaren 4an Santa Ageda eguna izango da. Hala ere, Belauntzan, igandean ospatuko dute. Ohi moduan, herritarrak eliza atarian bilduko dira 15:30etan, eta kantu eskean ibiliko dira herriguneko etxe eta baserrietan zehar. Zorion etxe hontako denoi, Oles-ole lurra esna zaitez edota Dios te salve koplak abestuko dituzte, besteak beste. Kantua eskea amaitu ondoren, parte hartzaileek herriko tabernan mokadua izango dute.

Udalak gonbita zabaldu die herritarrei, eta egun horretarako baserritar jantziak eta makilak ekartzeko gomendatu du.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!