Poteoan emango diote hasiera festari larunbatean, eta ondoren, 14:00etatik aurrera, gazte sentitzen diren herritarrek bazkaria egingo dute. Arratsaldean pentatloi erakustaldia egingo dute, baita sagardo dastaketa ere. Iluntzean, berriz, Muxutruk taldearen erromeria izango da.
Igandean ere dantza egiteko nahi adina denbora izango dute belauntzarrek, izan ere, Belaundantza Jaialdiaz gozatzeko aukera izango dute egun guztian zehar. Saltsa, bachata, zumba eta beste hainbat dantza estilo ikasteaz gain, tailerrak, jokoak eta animazioak ere izango dira aukeran, gazte zein helduentzat.
EGITARAUA
Uztailak 13, larunbata
- 13:00. Poteoa.
- 14:00. Gazte sentitzen direnen bazkaria.
- 17:00. Pentatloi erakustaldia: Amalur Arbelaiz, Ane Zapirain, Xabier Zaldua eta Xabat Olaizola. Ondoren, sagardo dastaketa.
- 22:00-02:00. Muxutruk taldearekin erromeria.
Uztailak 14, igandea
- 11:00-22:00. Belaundantza Jaialdia: saltsa, bachata, boogaloo-cha eta zumba. Tailerrak, dantza ikastaroak, jokoak, animazioa...