Goitiberalariek hartu dute gaur Belauntza. Guztira, 15 parte hartzaile inguru izan dira Belauntzako Goitibera Jaitsiera lasterketaren bigarren edizioan. Eguraldi txarra izan dute, hala ere, euria baliagarria suertatu zaie herriaren goialdetik behera ziztu bizian jaisteko, lurra irristakorra baitzegoen.
Arratsaldean ere festak izango du bere jarraipena, eta 18:00etan hasita herriko gazteen arteko herri kirol saioa izango da ikusgai. Ondoren, patata tortilla txapelketa egingo dute, 20:30etan, eta iluntzean, berriz, zahagi ardoa eta San Joan sua izango dituzte, Izer eta Alabier trikitilariek girotuta.
Asteartea arte izango dute zertaz gozatu Belauntzan. Datozen egunetako egitarau guztia hemen ikusgai.