Berrobiko Txalo Talo Antzerki Taldeak urtero antzezlan bat estreinatzeko ohitura izaten du, eta aurten, Kutsidazu bidea Ixabel antzezlana aukeratu dute horretarako. Antzezlan honetan, donostiar gazte baten istorioa kontatuko dute. Gazteak uda baserri batean pasatzea erabakitzen du bere euskara maila hobetzeko asmoarekin, baina bertan, baserriaren egunerokotasunari eta hizkuntza arazoei egin beharko die aurre.
Kontakizunari, ordea, egokitzapenak egin dizkie. Ester Poveda aktoreak gidatuko du eta Berrobiko herritarrak izango dira aktore; Aloña Izagirre, Ana Goñi, Aran Rodas, Joana Hernandez, Mikel Agirretxe eta Oihane Vergara. Ostiralean, 18:30etan, Belauntzako elizako teilatupean ikusteko aukera izango da.