Hirigintza arloan pausoak ematen jarraitzen du Belauntzako Udalak. Batetik, ostatu azpian dagoen belazean sei etxebizitza eraikiko dituzte, baita oinezkoentzako bidea ere. Orain, plaza eraberritzeari ekingo diote eta hiru eremutan banatuko dute. «Batetik, parkea egongo da, bestetik, estalpe moduko kiosko txiki bat eta, azkenik, eremu berde bat», azaldu du Iñaki Telleria alkateak.
Obrarekin hasiak dira, eta pixkana egingo dituzte lanak. «Une honetan, lehen fasearekin lanean gabiltza eta dagoeneko plazako lanak egiten hasi dira. Hurrengo pausoa parkea eraiki eta estalpea jartzea izango da eta, ondoren, bigarren faseari ekingo diogu, hau da, etxeak amaitzeari». Plazari amaiera ematea izango dute azken fasea eta, bertan, eremu berdea eta oinezko bidea eraikiko dituzte. Obra guztia Tolosako Construcciones Hugar S.L. enpresa ari da egiten.
Hiru gune berri zabalduko dituzte plazan: parke bat, estalpe txiki bat eta oinezkoen bide bat izango duen eremu berdea.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!