Marrazki lehiaketa antolatu du Belauntzako Udalak, 4 eta 16 urte bitarteko herriko haur zein gazteentzat. Gaia Belauntzako festak izango da, honela, lehiaketako irabazlearen marrazkia aurtengo festetako programan ateratzeko aukera izango du.
Horrelako ekimena antolatzen duten lehen aldia dute Belauntzan, eta herritarren parte hartzea bultzatzeko helburuarekin antolatu dutela esan dute. Lanak entregatzeko azken eguna maiatzaren 20a izango da eta parte hartzaileek gutunazal batean aurkeztu beharko dituzte lanak udaletxean. Bertan, euren marrazkia ez ezik, izena, abizenak eta adina idatzi beharko dituzte aparteko paper batean. Parte hartzaile bakoitzak marrazki bana aurkezteko aukera izango du. Sari banaketa ekainaren 24an ospatuko da eta bertan jakingo da noren marrazkia izango den festetako programa osatzen duena.