Belauntzako Udalak kultur jarduera ezberdinak antolatu ditu azaroko agendaren barruan. Horien artean, 6 eta 14 urteko gazteei zuzendutako Olentzero eta Mari Domingin sortuz izeneko eskulan tailerra dute, Gabonetan Olentzero eta Mari Domingin herriko plazan leku izan dezaten. Aurreko ostiralean eman zioten hasiera, eta hurrengo saioa ostiralean izango dute, 17:30etik 19:00etara, kultur etxean.
Azaroak 10ean, berriz, Anari bakarlariak kontzertua eskainiko du 19:30ean, ostatuan. Eta, azaroaren 19an, Bea Larrañaga antzezlearen Bonba bat naiz antzerki emanaldia ikusi ahal izango da 18:00etan, kultur etxean.