Belauntzan ez dute festarako etenik, eta azoka eguna izan dute gaurkoan. Belauntzako Udalak antolatuta, 25 artisau postu izan dira pilotalekuan, eta urteroko moduan, ganadu erakusketa ere izan da. Bertaratu diren herritarrak baserriko produktuak nahiz artisau lan desberdinak izan dituzte aukeran erosteko. Gainera, zuzeneko musika ere izan da, eta mokadutxo bat hartzeko talo postua ere. Azokarekin batera, sega pikatze erakustaldia egin dute eta argazki lehiaketako sariak ere banatu dituzte.
Azoka amaituta, 14:00etatik aurrera, herri bazkaria egingo dute ostatuan, eta horren ostean, erromeria izango dute Joxe Mendizabalen eskutik.