Sei egun daramatzate Nexgraff margolariek Belauntzako horma irudia margotzen, eta beste bi-hiru egunetan lanak amaituko dituztela adierazi dute. Belauntzako udalak egindako eskaera baten bitartez hasi ziren margotzen frontoiko horman irudia, «Belauntzarekin zer ikusia zeukan zerbaitetan pentsatzen hasi ginen, eta belea eta ahuntza elkartuta irudi itzela gera zezakeela pentsatu genuen. Horretaz gain, Tolosako bistak gehitzea ere erabaki genuen irudian, Belauntza Tolosaldeko balkoia dela esan baita» aipatu dute Nexgraff margolariek.
Eskualdean margotuko dituzten hurrengo horma irudiak Baliarraingo frontoian eta Zizurkilgo Marie Brizard fabrika barnean izango dira.