Ganadu eta artisau azoka antolatu du Belauntzako Udalak. Goizeko 10:00etan ekin diote azokari eta 15:00ak arte izango da zer ikusi bertan. Inguruko artisau postuak ez ezik, herriko abereek hainbat txoko hartu dituzte. Haurrentzat ere bada eskaintza. Xaboia egiten ikasteko tailerrean parte hartzeko aukera izango dute, eta ondoren, 13:30ak arte tramankulu jolas kooperatiboak izango dira ume eta gazteentzat frontoian. Goizeko festa amaitu ostean, 15:00etan, herri bazkaria egingo dute Belauntzako Ostatuan.