Leitzarrak aurreko larunbatean jokatu zuen agurreko partida Iruñeko Labrit pilotalekuan, eta etzi Belauntzako frontoian izango da. Belauntza Berdintasuna eta Kirola elkarteak antolatuta, jaialdi oparoa izango da, 18:00etan hasiko dena. Lehenengo partidan afizionatuen mailako binakako neurketa izango da. Ondoren, Bengoetxea VI.aren partida izango da. Leitzarrak atzelari moduan Esnaola izango du, eta aurkari Eneko Maizek eta Jon Erasunek osatutako bikotea. Jaialdia bukatzeko Iker Zubeldia bertsotan ariko da.
Sarrerak 10 euro balioko du, eta Belauntzako Ostatuan, Belauntzako Bentan eta Leitzako Arakindegin erosi daitezke, edo baita 695779224 zenbakira Whatsapp mezua bidalita ere, edota bbkelkartea@hotmail.com helbidera idatziz.