Belauntzako Ostatua itxita dago gaur egun, eta bere ustiapena esleitzeko Belauntzako Udalak deialdia zabaldu du. Urriaren 28a izango da proposamenak aurkezteko azken eguna.
Emakidadunak Ostatuaren eremua erabiliko luke, eta honako gune hauek izango ditu: eraikinaren lokala, aurrealdeko terraza, txikiparka, eta biltegia.
Silvia Moneo Belauntzako alkateak azaldu duenez, «beharrezkoa da horrelako herri batean taberna zerbitzua egotea, herria bizirik mantentzeko».
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?