Poliki-poliki joan dira herritarrak plazara gerturatzen, eta toka nahiz boloetan aritu dira. Bazkalostea ere kirolak hartuko du, eta frontenis txapelketa herrikoia izango da 16:00etatik aurrera. Ostean, atseden hartu, eta frontoia jatetxe bilakatuko dute. 21:30ean, herri afariak elkartuko ditu belauntzarrak. Ondoren, gaua luzatzeko musika izango dute.
Hasi besterik ez dira egin festak Belauntzan, eta asteartea bitartean badute zer ikusi, zer dastatu eta zertan parte hartua.
Bihar, ekainak 23
10:00-14:00. Haurrentzako puzgarriak, 2-12 urte artekoentzat. Eguraldi ona eginez gero, apar festa.
11:00-12:00. Aurpegi pintaketa haurrentzat.
16:00-19:00. Arku tiroa.
19:30. Sagardo dastatzea pintxoak eta urdaiazpiko mozketa.
21:00. San Joan sua ikastola ondoan.
Ondoren. Suziriak.
Ekainak 24, astelehena
11:00. San Joan meza.
Ondoren. Hamaiketakoa tabernan.
16:30. Gorriti bere animaliekin.
19:00. Sarini Zirkoa: Txoriak Txori akrobazia ikuskizuna.
Ekainak 25, asteartea
20:00. Saiheski jatea eta suziriak festei amaiera emateko.