Belauntzako Udalak azoka antolatu du urriaren 28rako. 10:00etatik 14:30era luzatuko da eta postuak plaza inguruan eta frontoian jarriko dituzte. Herritarrek postua jarri dezakete edo animaliak eraman, eta guztia prestatzeko aurrez izena eman behar dute. Urriak 23 da azken eguna eta 943 67 43 66 telefono zenbakira deituta eman daiteke.
Udalak esan duenez, azoka haziz doan ekitaldia da eta herritarrak zoriondu nahi izan ditu. «Eskerrak ematen dizkiegu parte hartzen duten herritar guztiei, feriaren oinarri eta euskarri direlako», esan du.
Azokako egunean udalak hamaiketakoa eskainiko du 11:30etik aurrera herriko tabernan, eta herritar guztiak gonbidatu ditu parte hartzera.
Belauntzako azoka urriaren 28an izango da; postua edo mahaia jarri nahi duten herritarrek izena eman behar dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!