San Joanak 2016

Kanpai hotsekin hasiko dituzte festak Belauntzan

Tolosaldeko Ataria 2016ko eka. 23a, 11:47
San Joan egunean, iaz bezala, aurten ere meza ondoren dantzariak eta hamaiketakoa izango da.

Mariano Lazkano Belauntzako alkateak azaldu duenez, festetan «herri giroa izaten da. Urte guztian egoten dira herritarrak festen esperoan».

Jendea elkartzeko eta elkarri kontuak esateko aukera aproposa izaten direla gaineratu du Lazkanok. Horren lekuko izaten da herri afaria, larunbatean egingo den herriko tabernan. Hain justu, txartelak erosteko azken eguna gaur da, eguerdira arte, eta tabernan bertan erosi daitezke. Herritarrak kantuan eta bertsotan aritzen direla dio Lazkanok. Lau egunetan adin guztientzako ekitaldiak antolatu dituzte.

EGITARAUA

Ekainak 23, osteguna

21:00. Festei hasiera emango diete, San Joan sua piztuz eta kanpaiak joaz, suziriekin lagunduta.

Ekainak 24, ostirala

09:00. Txistulariak herrian zehar eta suziriak.

10:30. Meza nagusia San Joan elizan. Ondoren, dantzarien emanaldia izango da.

12:00. Hamaiketakoa herriko tabernan bertsolariekin.

19:30. Igeldoko abesbatza, San Joan elizan. Ondoren, urdaiazpiko mozketa eta pintxo potea herriko tabernan.

22:30. Mus Txapelketa herriko tabernan.

Ekainak 25, larunbata

10:00-14:00. Haur jolasak.

16:00-20:00. Haur jolasak.

21:45. Herri afaria tabernan trikitia eta kantariekin.

Ekainak 26, igandea

10:30. Meza San Joan elizan.

11:00. Gorriti eta bere animaliak.

18:30. Zumba dantzaren erakustaldia eta nahi duenak parte hartzeko aukera. Frontoian edo eliza aurrean, eguraldiaren arabera.

20:00. Saiheski jatea herriko guztientzat, festei amaiera emateko.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!