Errekondok bere azken liburua 'Bizi Baratzea' aurkeztu zuen, liburuaren nondik norakoak azalduz. Horrez gain, baratzagintzako hainbat aholku eta azalpen ere eskaini zituen. Herritar ugari bertaratu ziren Errekondoren hitzaldira eta elkartruke polita sortu zen herritarren eta Errekondoren artean.
Larunbatean ekin zioten kultur asteari Belauntzan. Herriko tabernan urdaiazpiko mozketa, pintxo potea eta gaztainak izan zituzten musikak lagunduta, eta giro bikaina sortu zen bertan. Gaur, berriz, bihar kantuan ateratzeko asmoa dutenentzat entsegua izango dute kultur etxean. Eta kultur astearen amaierak eta Gabon eskeak bat egingo dute biharkoan. Izan ere, 15:00etan Herriko Tabernaren inguruan bilduko dira herritar guztiak kantuan ateratzeko, eta 18:00etan Olentzero etorriko da Belauntzara, opari eta guzti. Ondoren, askaria egingo dute berarekin batera.
_content.jpg)