Ostiralean ekin zioten aurtengo kultur asteari Belauntzan. Lau egunez heldu nahiz gazteenei zuzendutako hainbat ekimen izan ostean, bihar bertan emango diote amaiera aurtengoari.
Azken bi egun hauetan bereziki haurrei zuzendutako kontuak izan dituzte, izan ere, opor giroan daudela aprobetxaturik beraiek ari dira protagonista izaten.
Gaur, esate baterako, kultur etxean hogeita hamar bat pertsona bildu dira umeei zuzendutako hainbat filma ikusten eta ondoren askaria egin dute elkarrekin.
Bihar, berriz, 16:00etan Jon Magic magoaren emanaldia izango dute, kultur etxean. Ondoren guztiek elkarrekin askaria eginez agurtuko dute kultur astea.
Ostiralean hasi zen aurtengo Belauntzako kultur astea, eta bihar amaituko da Jon Magic magoaren emanaldiarekin
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!