Ertzaintzak kalamu landareak aurkitu zituen ostiralean, Belauntzako baserri batean. 25 eta 27 urteko bi gazte atxilotu zituzten, droga trafikoa leporatuta. Igandean, Tolosako epaitegian, epailearen aurretik igaro ziren eta ondoren aske gelditu ziren. Hala ere, Ertzaintzaren arabera ikerketak «abian» jarraitzen du oraindik, eta hortaz, Izar txiki izeneko baserrian lanean jarraitzen atzo ere.
Ostiralean herritarrak aztoratu zituen aipatutako operazioak. 13:30etan iritsi zen polizia, eta 16:30ak arte iraun zuen, gazteak etxean babestu baitziren, Ertzaintzaren esanetan: «Esku hartze taldeak joan behar izan zuen, eta azkenean lortu zuten etxera sartzea. Ez zen zauriturik egon».
Ertzaintzaren prentsa zerbitzutik azaldu dutenez, «lau negutegitan» aurkitu dituzte kalamu landareak; guztira «120 landare». Horrez gain, kalamua «lantzeko eta manipulatzeko beharrezko azpiegitura» ere aurkitu dute Belauntzan.
Ertzaintzaren esanetan, 120 landare inguru eta kalamua manipulatzeko beharrezko azpiegitura aurkitu dituzte Belauntzan
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!